КАКО ДОМ СВОЙ УКРАСИТИ СВЯТЫМИ ОБРАЗАМИ, ДОМ ЧИСТ ИМЕТИ
В дому своем всякому христианину во всякой храмине святыя и честныя образы, написаны на иконах, по существу(1) ставити на стенах, устроив благолепно(2) со всяким украшением и со светильники, в них же свещи пред святыми образы возжигаются на всяком славословии Божии, и по пении погашают, завесою закрываются всякия ради чистоты и от пыли, благочиния (3) ради и брежения; а всегда чистым крылышком ометати, и мягкою губою (4) вытирати их, и храм тот чист держати всегда. А к святым образам касатися достойным в чистей совести и на славословии Божии, и на святом пении, и молитве свечи вжигати, и кадити благовонным ладаном и фимияном, а образы святыя поставляются иже вначале по чину, свято почитаемы суть, имяны прежереченными (5), в молитвах и во бдениих, и в поклонах, и во всяком славословии Божии всегда почитати их со слезами и с рыданием, и сокрушенным сердцем исповедаяся, просяще отпущения грехам.
из книги «Домострой» (XVIIв.)
1 по старшинству;
2 красив подобающе;
3 порядка;
4 губкой;
5 как уже сказано.
